|
Met net een pediater aandiens oor 'n naweek (en selfs oor 'n 4-of 5-dag langnaweek), raak dit soms moeilik om almal (op tyd) tevrede te stel. Saterdagoggend is gewoonlik die grootste uitdaging. Die kombinasie van 'n lang saalrondte met vele onbekende pasiente, vroeë oproepe, onbeplande noodgevalle en nood-keisersnitte vereis 'n konstante prioritisering om aandag toepaslik te rig na dit wat eerste hanteer moet word. Die nadeel is dat ouers wat onbespreek in ongevalle met hulle kleinding arriveer, met die hoop om onmiddellik deur 'n pediater gehelp te word, ongelukkig óf (potensieël lank) sal moet wag óf moet instem om solank die ongevalle algemene praktisyn toe te laat om te help. Saalpasiënte moet vroeg uitgesorteer word op naweeks-oggende, aangesien hul ontslagmedikasie net tot op 'n sekere tyd uitgereik word deur die apteek - dit is onaangenaam vir ouers om ontslagmedikasie by 'n buite-apteek te moet gaan soek na ontslag uit die hospitaal. Dit is belangrik om te onthou dat 'n volhoubare, kwaliteit 72-uur (tipiese Vrydag-Sondag-naweek) spesialisdiens gelewer moet word. Dit is onmenslik om te verwag dat 'n pediater al die kinders, wat oor 'n naweek ongevalle toe kom, moet sien. Dit mag soms nodig wees om as pediater daarop aan te dring dat 'n kind eers deur die ongevalle dokter gesien moet word; dit is ook dan by vele mediese fonds-opsies 'n vereiste vir die befondsing van 'n pediater-konsultasie dat 'n kind eers deur 'n algemene praktisyn gesien moet word. Dit mag ook soms nodig wees (weens fisiese uitputting) om oproepe na Mediclinic se ongevalle tussen 00h00 en 06h00 op 'n naweek deur te sit, sodat die ongevalle dokter kan help met prioritisering van gevalle wat spesialis-aandag of toelating nodig het. As onafhanklike pediatergroep is die besluit geneem dat net een pediater beskikbaar is oor 'n naweek. Van die praktyke is wel oop op sekere Saterdagoggende; ouers word aangeraai om ook van hierdie geleentheid gebruik te maak.
'n Gedeelde na-uurse rooster tussen onafhanklike dokters in privaat praktyk skep altyd uitdagings met die oorhandiging van pasiente tussen die betrokke dokters. Ouers kan ongelukkig wees beide :
|
The
|
Proudly powered by Weebly