Oorhandiging van pasiënte in die oggend

'n Gedeelde na-uurse rooster tussen onafhanklike dokters in privaat praktyk skep altyd uitdagings met die oorhandiging van pasiente tussen die betrokke dokters. Ouers kan ongelukkig wees beide :

1. As die dokter-aan-diens op 'n spesifieke aand nie hulle kind die volgende oggend oorgee aan hulle gereelde pediater vir verdere hantering nie. Om dit nie aan te bied aan die ouer nie toon 'n gebrek aan respek vir ouer-keuse en mede-kollegas se praktyke.
2. As die dokter-aan-diens op 'n spesifieke aand hulle kind die volgende oggend oorgee aan hulle gereelde pediater vir verdere hantering. Dit mag dan voorkom asof die dokter-aan-diens nie hulle kind verder wil hanteer of verder belangstel in die welstand van hulle kind nie. Die teendeel is egter waar : die dokter-aan-diens gee die pasient oor aan sy of haar gereelde pediater uit respek vir sy kollega. Maar hoe dan gemaak as dit nie is wat die ouer verkies nie? Klagtes is al by die hospitaal-bestuur ingedien aangesien sekere ouers voel dat hulle graag sou wou hê dat die dokter--aan-diens die volgende oggend moet voortgaan met die hantering van hulle kind met die huidige toelating.

Ouer-keuse is tops. Dr Stander het 'n ouerkeuse-vorm ontwerp wat dit vir ouers maklik maak om hul keuse van pediater in die hospitaal aan te dui.